1.1. Սույն փաստաթուղթը «Փաթրեսթ» ՍՊԸ-ի (այսուհետ՝ «Ընկերություն», «Փաթրեսթ») հրապարակային օֆերտան է՝ Գործընկերային ծրագրին միանալու և Marketplace-ի գործառույթներն օգտագործելու մասին շրջանակային պայմանագիր կնքելու այն անձի հետ, որը համապատասխանում է Ընկերության կողմից սահմանված պահանջներին և կատարում է սույն Օֆերտայի ակցեպտ (այսուհետ՝ «Գործընկեր»):

1.2. Գործընկերոջ գրանցումը և հարցաթերթիկի/ձևի լրացումն ինքնին չեն նշանակում Պայմանագրի կնքում։ Ընկերության կողմից Գործընկերոջ ստուգումից և հաստատումից հետո Գործընկերոջ Անձնական գրասենյակում նրան տրամադրվում են սույն Օֆերտայի կիրառելի խմբագրությունը և անհատական ոչ հրապարակային Հավելվածները։ Ակցեպտը կատարվում է Անձնական գրասենյակում հստակ արտահայտված էլեկտրոնային համաձայնությամբ և Գործընկերոջ գրանցված էլեկտրոնային փոստի հասցեին ուղարկված մեկանգամյա կոդով (OTP) հաստատմամբ, եթե Ընկերության ինտերֆեյսով նախատեսված չէ էլեկտրոնային նույնականացման այլ համարժեք եղանակ։

1.3. Պայմանագիրը համարվում է կնքված մեկանգամյա կոդի հաջող ստուգման և Ընկերության տեղեկատվական համակարգում ակցեպտի ամրագրման պահից։ Պայմանագիր կնքելու համար թղթային օրինակի ստորագրում չի պահանջվում, եթե կիրառելի օրենսդրության իմպերատիվ նորմերով այլ բան սահմանված չէ կամ Կողմերը առանձին այլ բան չեն համաձայնեցրել։

1.4. Անհատական առևտրային Հավելվածները, որոնք պարունակում են սակագինը, Միջնորդավճարի դրույքաչափը, նվազագույն Միջնորդավճարը, հաշվարկային մոդելը, բանկային վավերապայմանները և այլ անհատական պայմաններ, ոչ հրապարակային են։ Դրանք ստուգումից հետո տրամադրվում են Գործընկերոջը Անձնական գրասենյակում և ընդունվում են Օֆերտայի հետ միաժամանակ կամ առանձին էլեկտրոնային ակցեպտով, եթե տրամադրվել կամ փոփոխվել են ավելի ուշ։

1.5. Ոչ հրապարակային Հավելվածի առանձին ակցեպտը կարող է կատարվել Անձնական գրասենյակում պարտադիր նշում կատարելու կամ հաստատման կոճակ սեղմելու, էլեկտրոնային փոստով հստակ համաձայնություն պարունակող պատասխանի, էլեկտրոնային ստորագրության կամ այլ եղանակով, որը թույլ է տալիս արժանահավատորեն հաստատել ընդունված փաստաթղթի բովանդակությունը և Գործընկերոջ կամահայտնությունը։ Մինչև այդպիսի ակցեպտը Ընկերությունն իրավունք ունի սահմանափակել այն Առաջարկների հրապարակումը, Պատվերների ընդունումը կամ հաշվարկային գործառույթները, որոնց համար համապատասխան Հավելվածն անհրաժեշտ է։

1.6. Գրանցումից հետո Ընկերությունն իրավունք ունի Գործընկերոջն ուղարկել էլեկտրոնային ծանուցում՝ հրապարակային Օֆերտայի հղումով, և կցել ոչ հրապարակային Հավելվածները։ Հրապարակային Օֆերտայի պատճենի կցված չլինելը չի ազդում դրա ակցեպտի վրա, եթե համաձայնության փաստը և կիրառելի խմբագրությունը կարող են հաստատվել էլեկտրոնային տվյալներով։

1.7. Ընկերությունն իրավունք ունի պահպանել Օֆերտայի և Հավելվածների ակցեպտը հաստատող տվյալներ՝ ներառյալ ամսաթիվը և ժամը, Գործընկերոջ նույնականացուցիչը, փաստաթղթի տարբերակը, պարտադիր նշման կատարման փաստը, էլեկտրոնային հասցեն, Անձնական գրասենյակի վերաբերյալ տեղեկությունները և այլ տեխնիկական տվյալներ՝ օրենքով թույլատրվող սահմաններում։

1.8. Սույն Պայմանագիրը կարգավորում է Marketplace-ի միջոցով Գործընկերոջ սեփական Ծառայությունների տեղադրման և իրացման հետ կապված հարաբերությունները։ API-դիստրիբյուցիայի, white-label մոդելի, Փաթրեսթի տվյալների բազային երրորդ անձանց զբոսաշրջային կայքերի հասանելիություն տրամադրելու և այլ B2B մոդելների շրջանակում արդեն իսկ իրականացվող կամ հետագայում իրականացվելիք համագործակցությունը կարգավորվում է առանձին պայմանագրերով, հավելվածներով և/կամ տեխնիկական պայմաններով, եթե սույն Պայմանագրով ուղղակիորեն այլ բան նախատեսված չէ։

1.9. Նշված B2B մոդելներով համագործակցության փաստացի իրականացումն ինքնին չի տարածում սույն Օֆերտայի պայմաններն այդ հարաբերությունների վրա և չի պահանջում սույն Օֆերտայի փոփոխություն, եթե համապատասխան առանձին պայմանագրով, հավելվածով կամ տեխնիկական պայմաններով ուղղակիորեն այլ բան նախատեսված չէ։

2.1. Ընկերություն / Փաթրեսթ — «Փաթրեսթ» ՍՊԸ։

2.2. Կայք — www.pathrest.am-ը՝ ներառյալ դրա հետ կապված էջերը, ենթադոմենները, Անձնական գրասենյակները, ձևերը, ծրագրային ինտերֆեյսները և Ընկերության այլ հարակից թվային ռեսուրսները։

2.3. Marketplace — Կայքի գործառնական մասը, որը Գործընկերներին հնարավորություն է տալիս տեղադրել Ծառայությունների վերաբերյալ սեփական առաջարկներ, իսկ Հաճախորդներին՝ որոնել, ընտրել և ամրագրել այդպիսի Ծառայությունները։

2.4. Գործընկեր — ֆիզիկական անձ, անհատ ձեռնարկատեր, իրավաբանական անձ կամ այլ անձ, որն ըստ կիրառելի օրենսդրության իրավունք ունի մատուցելու համապատասխան տեսակի Ծառայություններ և Ընկերության կողմից թույլատրված է Marketplace-ում գործունեություն ծավալելու համար։

2.5. Հաճախորդ — Օգտատեր, որը ձևակերպել է կամ մտադիր է ձևակերպել Գործընկերոջ Ծառայության Ամրագրում։

2.6. Առաջարկ — Կայքում ներկայացված տեղեկությունը Գործընկերոջ Ծառայության մասին, որը ներառում է նկարագրությունը, գինը, ամսաթվերը, սահմանափակումները, չեղարկման պայմանները, վճարման եղանակները և կիրառելի այլ տեղեկություններ։

2.7. Գործընկերոջ Ծառայություն — ծառայություն, որը Գործընկերն ինքնուրույն ձևավորում, կազմակերպում, առաջարկում և/կամ փաստացի մատուցում է Հաճախորդին։

2.8. Ամրագրում — Գործընկերոջ Ծառայությունը ձեռք բերելու կամ ամրագրելու վերաբերյալ Հաճախորդի հայտը։

2.9. Պատվեր — հաստատված Ամրագրում։

2.10. Կանխավճար — Ծառայության արժեքի այն մասը, որը ենթակա է վճարման մինչև դրա մեկնարկը։

2.11. Ընկերության Միջնորդավճար — «Փաթրեսթ»-ի վարձատրությունը, որը ենթակա է վճարման Գործընկերոջ կողմից կամ պահման՝ Ընկերության կողմից համապատասխան Պատվերի համար ստացված դրամական միջոցներից։

2.12. Զուտ/Նետտո արժեք — Գործընկերոջը փոխանցման ենթակա գումարը՝ Ընկերության Միջնորդավճարը և այլ համաձայնեցված գումարներ պահելուց հետո։

2.13. Գործընկերոջ Անձնական գրասենյակ — էլեկտրոնային ինտերֆեյս, որի միջոցով Գործընկերը կարող է կառավարել իր տվյալները, Առաջարկները, Ամրագրումները, փաստաթղթերը, փոխհաշվարկները և այլ գործառույթներ։

2.14. Մատակարար — երրորդ անձ, որը փաստացի մատուցում է Ծառայությունը կամ մասնակցում դրա ձևավորմանը, հաստատմանը կամ վաճառքին։

2.15. Overbooking (Գերամրագրում) — Իրավիճակ է, երբ ընկերությունը վաճառում է ավելի շատ տոմսեր կամ ընդունում է ավելի շատ ամրագրումներ, քան իրականում ունի տեղեր։

2.16. Chargeback (գործարքի բողոքարկում կամ հետգանձում) — Բանկային քարտով վճարումը չեղարկելու և գումարը գնորդին վերադարձնելու ընթացակարգ է էմիտենտ բանկի միջոցով։ Այն տեղի է ունենում, երբ վաճառողը չի կատարել իր պարտավորությունները, և բանակցային կարգավորման հասնել հնարավոր չէ։

2․17․ Պաշտոնական հաղորդակցման միջոցներ — Փաթրեսթի կոնտակտային տվյալներն ու էլեկտրոնային ուղիները, որոնք նշված են Կայքում և Պայմանագրում։

3. Marketplace-ի իրավական մոդելը

3.1. Marketplace-ն էլեկտրոնային հարթակ է, որի միջոցով անկախ Գործընկերները կարող են Հաճախորդներին առաջարկել իրենց սեփական Ծառայությունները։

3.2. Եթե կոնկրետ Առաջարկում ուղղակիորեն այլ բան նշված չէ, Գործընկերոջ Ծառայության անմիջական մատուցողը Գործընկերն է և/կամ նրա կողմից նշված փաստացի Մատակարարը։

3.3. Ընկերությունը չի դառնում Գործընկերոջ Ծառայության անմիջական մատուցող միայն այն պատճառով, որ՝

1. Առաջարկը տեղադրել է Կայքում;
2. իրականացրել է դրա մոդերացիան;
3. ընդունել է Ամրագրումը;
4. Հաճախորդին ուղարկել է հաստատում;
5. ընդունել է ամբողջական կամ մասնակի վճարում;
6. պահել է Միջնորդավճարը;
7. Գործընկերոջ հետ կատարել է հաշվարկներ;
8. Հաճախորդին տրամադրել է տեղեկատվական աջակցություն։

3.4. Marketplace-ի շրջանակում Ընկերությունը գործում է որպես էլեկտրոնային հարթակի օպերատոր, տեղեկատվական և տեխնոլոգիական միջնորդ, իսկ համապատասխան մոդելի դեպքում նաև որպես վճարումներ ընդունելու և հաշվարկներ իրականացնելու լիազորված անձ։

3.5. Գործընկերն ինքնուրույն պատասխանատվություն է կրում իր Ծառայության օրինականության, բովանդակության, որակի, անվտանգության և փաստացի մատուցման համար։

4. Գործընկերոջը ներկայացվող պահանջներ

5. Առաջարկների ստեղծում և հրապարակում

5.1. Գործընկերն ինքնուրույն ստեղծում է Առաջարկը և Ընկերությանը տրամադրում դրա հրապարակման համար անհրաժեշտ տեղեկությունները։

5.2. Առաջարկում, եթե կիրառելի է, պետք է նշվեն՝

• Ծառայության անվանումը;
• նկարագրությունը;
• երթուղին;
• ծրագիրը;
• տևողությունը;
• ամսաթիվը և ժամը;
• հանդիպման վայրը;
• լեզուն;
• արժեքը;
• ներառված Ծառայությունների կազմը;
• լրացուցիչ վճարովի ծառայությունները;
• տարիքային կամ այլ սահմանափակումները;
• մասնակիցների նվազագույն և առավելագույն թիվ;
• Կանխավճարի չափը;
• արժեքի մնացած մասի վճարման կարգը;
• չեղարկման կանոնները;
• վերադարձի կանոնները;
• կազմակերպչական տեղեկությունները;
• այլ էական պայմանները։

5.3. Գործընկերը պատասխանատվություն է կրում նշված տեղեկությունների ամբողջականության և հավաստիության համար։

5.4. Ընկերությունն իրավունք ունի Առաջարկները մոդերացնել ինչպես հրապարակումից առաջ, այնպես էլ հետո։

5.5. Ընկերությունն իրավունք ունի՝

1. հաստատել Առաջարկը;
2. մերժել Առաջարկը;
3. պահանջել ուղղումներ;
4. ուղղել տեխնիկական և ոճական սխալները;
5. թաքցնել Առաջարկը;
6. ժամանակավորապես կասեցնել դրա հրապարակումը;
7. հեռացնել Առաջարկը;
8. պահանջել լրացուցիչ փաստաթղթեր կամ տեղեկություններ։

5.6. Մոդերացիան չի նշանակում Ծառայության մատուցման յուրաքանչյուր հանգամանքի իրավական կամ փաստացի ստուգում և չի ազատում Գործընկերոջը պատասխանատվությունից։

6. Գինը և առևտրային պայմանները

7. Ընկերության միջնորդավճարը

7.1. Marketplace-ին հասանելիություն տրամադրելու, ամրագրման տեխնիկական ապահովման, առաջխաղացման, Պատվերների մշակման և այլ ծառայությունների դիմաց Գործընկերը Ընկերությանը վճարում է Միջնորդավճար։

7.2. Միջնորդավճարի չափը որոշվում է՝

• սակագնային պլանով;
• անհատական հավելվածով;
• Անձնական գրասենյակի պայմաններով;
• առևտրային առաջարկով;
• այլ համաձայնեցված եղանակով։

7.3. Միջնորդավճարը կարող է սահմանվել՝

1. Պատվերի արժեքի տոկոսով;
2. ֆիքսված գումարով;
3. որպես համակցված միջնորդավճար;
4. որպես տարբերակված դրույքաչափ՝ ըստ Ծառայությունների տեսակների;
5. այլ համաձայնեցված մոդելով։

7.4. Միջնորդավճարը կարող է հաշվարկվել Պատվերի ամբողջական արժեքից՝ անկախ այն բանից, թե դրա որ մասն է վճարվել Ընկերության միջոցով, եթե անհատական պայմաններով այլ բան նախատեսված չէ։

7.5. Եթե Հաճախորդը Ծառայության համար վճարում է անմիջապես Գործընկերոջը, Գործընկերոջ կողմից՝ Ընկերությանը Միջնորդավճար վճարելու պարտավորությունը պահպանվում է։

8. Marketplace-ի վճարման մոդելները

9. Վճարումներ ընդունելու Ընկերության լիազորությունը

9.1. Գործընկերը Ընկերությանը լիազորում է համապատասխան մոդելով նախատեսված դեպքերում Հաճախորդներից ընդունել դրամական միջոցներ՝ որպես Գործընկերոջ Ծառայությունների ամբողջական կամ մասնակի վճարում։

9.2. Ընկերությունն իրավունք ունի՝

1. ընդունել վճարումը;
2. այն հաշվառել համապատասխան Պատվերի համար;
3. պահել Միջնորդավճարը;
4. պահել Պայմանագրով ուղղակիորեն նախատեսված այլ գումարներ;
5. Գործընկերոջը փոխանցել Զուտ արժեքը։

9.3. Համապատասխան Պատվերի շրջանակում Հաճախորդից Ընկերության կողմից պատշաճ կերպով ստացված վճարումը Հաճախորդի և Գործընկերոջ միջև հաշվարկներում հաշվառվում է Ընկերության կողմից ընդունված գումարի չափով։

9.4. Ընկերության կողմից Պատվերի ամբողջական գումարի ստացումը չի նշանակում, որ այդ ամբողջ գումարը Ընկերության տնտեսական եկամուտն է։

9.5. Գործընկերոջը փոխանցման ենթակա մասով համապատասխան գումարը հաշվառվում է որպես Ընկերության և Գործընկերոջ միջև փոխհաշվարկների գումար։

10. Գործընկերոջ հետ հաշվարկները

10.1. Եթե Ընկերությունը Հաճախորդից ստացել է դրամական միջոցներ, ապա Գործընկերոջը վճարման ենթակա գումարը որոշվում է որպես՝
Ընկերության կողմից փաստացի ստացված Պատվերի գումարը
հանած Ընկերության Միջնորդավճարը
հանած վերադարձները, chargeback-ը, ճշգրտումները և այլ համաձայնեցված պահումները։

10.2. Եթե Հավելվածով այլ բան նախատեսված չէ, Գործընկերոջը վճարումը կատարվում է Ծառայության փաստացի մատուցումից հետո։

10.3. Վճարման հիմնական ժամկետը՝ Ծառայության փաստացի մատուցումը հաստատվելուց հետո մինչև 3 աշխատանքային օր, եթե անհատական պայմաններով այլ ժամկետ նախատեսված չէ։

10.4. Վճարումները հիմնականում կատարվում են AMD-ով։

10.5. Գործընկերը պարտավոր է տրամադրել ճիշտ բանկային վավերապայմաններ։

10.6. Գործընկերոջ սխալ բանկային տվյալներով պայմանավորված ուշացման ռիսկը կրում է Գործընկերը։

11. Գործընկերոջը վճարումը և միջնորդավճարը կանխիկ հաշվարկի դեպքում

11.1. Եթե Հաճախորդը Ծառայության ամբողջական կամ մասնակի վճարումը կատարում է անմիջապես Գործընկերոջը, Գործընկերը պարտավոր է այդ Ամրագրումը հաշվառել որպես Marketplace-ի միջոցով ստացված Պատվեր։

11.2. Գործընկերն իրավունք չունի թաքցնել Պատվերի կատարման փաստը՝ Միջնորդավճարի վճարումից խուսափելու նպատակով։

11.3. Այդպիսի Պատվերների Միջնորդավճարը Գործընկերոջ կողմից փոխանցվում է Ընկերությանը Հավելվածով նախատեսված ժամկետում։

11.4. Գործընկերը ինքնուրույն պատասխանատվություն է կրում իր կողմից անմիջապես ստացված գումարների մասով կանխիկ և անկանխիկ հաշվարկների, հարկերի, կտրոնների, հաշիվների և այլ հաշվարկային փաստաթղթերի վերաբերյալ օրենսդրության պահանջների պահպանման համար։

12. Marketplace-ը շրջանցելու արգելքը

12.1. Գործընկերն իրավունք չունի Marketplace-ի միջոցով ստացված Հաճախորդի հետ կապն օգտագործել բացառապես ամրագրման համակարգը շրջանցելու և Ընկերության Միջնորդավճարի վճարումից խուսափելու նպատակով։

12.2. Մասնավորապես, առանց Ընկերության համաձայնության Գործընկերը չպետք է՝

• համակարգում չեղարկի Պատվերը և այն ընդունի անմիջապես;
• Հաճախորդին առաջարկի ավելի ցածր գին՝ Marketplace-ի միջոցով ամրագրումից հրաժարվելու պայմանով;
• Հաճախորդին ուղղորդի վճարման այլ ալիք՝ Միջնորդավճարը չվճարելու նպատակով;
• թաքցնի Ծառայության փաստացի մատուցման փաստը։

12.3. Սույն դրույթի խախտումը համարվում է Պայմանագրի էական խախտում։

13.1. Գործընկերը ինքնուրույն պատասխանատվություն է կրում հարկային հաշվառման, եկամուտների հայտարարագրման, հարկերի, տուրքերի, սոցիալական վճարների և Գործընկերոջ ծառայությունների մատուցման հետ կապված այլ պարտադիր վճարների վճարման համար։

13.2. Եթե Գործընկերը Հաճախորդից վճարումն ընդունում է ուղղակիորեն, Գործընկերը ինքնուրույն ձևակերպում է այդ վճարումը կիրառելի օրենսդրությանը համապատասխան, ներառյալ կտրոնի, անդորրագրի, հաշվի կամ այլ փաստաթղթի տրամադրումը, եթե դա պահանջվում է։

13.3. Ընկերությունը Գործընկերոջը տրամադրում է Ամրագրումների և վճարումների վերաբերյալ հաշվետվություն Հավելված №4-ով կամ Հարթակի տեխնիկական հնարավորություններով նախատեսված ծավալով։

13.4. Գործընկերը պարտավոր է պահպանել ծառայությունների մատուցումը, հաշվարկները և Հաճախորդի հետ փոխգործակցությունը հաստատող փաստաթղթերը օրենսդրությամբ սահմանված և պահանջների կարգավորման համար ողջամտորեն անհրաժեշտ ժամկետի ընթացքում։

14. Չեղարկում և վերադարձ

14.1. Գործընկերն օրենքի սահմաններում ինքնուրույն է սահմանում իր Ծառայության չեղարկման կանոնները։

14.2. Կանոնները պետք է Հաճախորդին հասանելի դարձվեն մինչև Պատվերի ձևակերպումը։

14.3. Եթե Հաճախորդը չեղարկում է Պատվերը, վերադարձը որոշվում է՝

• Գործընկերոջ պայմաններով;
• կոնկրետ սակագնի կանոններով;
• օրենքի իմպերատիվ նորմերով։

14.4. Եթե վճարումն ընդունվել է Ընկերության կողմից, Հաճախորդին տեխնիկական վերադարձը կարող է իրականացնել Ընկերությունը։

14.5. Գործընկերոջ Ծառայության մասով վերադարձի հիմքն ու չափը որոշվում են Գործընկերոջ պայմաններին և օրենքին համապատասխան։

14.6. Եթե չեղարկումը տեղի է ունեցել Գործընկերոջ մեղքով, Գործընկերը պարտավոր է ապահովել Հաճախորդին վերադարձման ենթակա ամբողջ գումարի վերադարձը և փոխհատուցել Ընկերության՝ այդ չեղարկման հետևանքով առաջացած ծախսերը, եթե օրենքով այլ բան սահմանված չէ։

15. Chargeback և վճարային վեճեր

15.1. Եթե Հաճախորդը վիճարկում է Գործընկերոջ Ծառայությանը վերաբերող բանկային վճարումը, Ընկերությունն իրավունք ունի Գործընկերոջից պահանջել Ծառայության մատուցումը հաստատող փաստաթղթեր։

15.2. Գործընկերը պարտավոր է այդ փաստաթղթերը տրամադրել Ընկերության սահմանած ժամկետում։

15.3. Եթե chargeback-ը կամ դրամական միջոցների վերադարձը պայմանավորված է՝

• Ծառայության չմատուցմամբ;
• Գործընկերոջ կողմից խախտմամբ;
• ոչ հավաստի նկարագրությամբ;
• Ծառայության մատուցման հաստատման բացակայությամբ;
• Գործընկերոջ այլ գործողություններով և անգործությամբ,

ապա համապատասխան գումարը կարող է պահվել Գործընկերոջ հետագա վճարումներից կամ ենթակա է փոխհատուցման Գործընկերոջ կողմից Ընկերությանը։

16. Գործընկերոջ պատասխանատվությունը

16.1. Գործընկերը պատասխանատվություն է կրում՝

1. իր գործունեության օրինականության համար;
2. տեղեկությունների հավաստիության համար;
3. անհրաժեշտ փաստաթղթերի առկայության համար;
4. Ծառայության որակի համար;
5. Հաճախորդի անվտանգության համար;
6. աշխատակիցների և Մատակարարների որակավորման համար;
7. տրանսպորտի, սարքավորումների և օգտագործվող այլ միջոցների համար;
8. ծրագրի պահպանման համար;
9. Ծառայության փաստացի կատարման համար;
10. լրացուցիչ ծառայությունների համար;
11. իր նախաձեռնությամբ կատարված չեղարկումների համար;
12. Ծառայության մատուցման ընթացքում պատճառված վնասի համար;
13. հարկերի և պարտադիր վճարների համար;
14. սպառողների իրավունքների պահպանման համար;
15. Գործընկերոջ գործունեությանը վերաբերող այլ հանգամանքների համար։

16.2. Գործընկերը պարտավոր է Ընկերությանը փոխհատուցել փաստաթղթերով հաստատված վնասները, ծախսերը, վերադարձները, տուգանքները, chargeback-ը և այլ գումարներ, որոնք առաջացել են Գործընկերոջ կողմից իր պարտավորությունների խախտման հետևանքով, եթե այդպիսի փոխհատուցումը թույլատրվում է օրենքով։

17. Ընկերության պատասխանատվությունը

17.1. Ընկերությունը պատասխանատվություն է կրում բացառապես սույն Պայմանագրից բխող իր սեփական պարտավորությունների համար։

17.2. Ընկերությունը պատասխանատվություն չի կրում Գործընկերոջ կողմից Ծառայության փաստացի մատուցման համար, բացառությամբ այն դեպքերի, երբ նման պատասխանատվությունն օրենքով ուղղակիորեն դրված է Ընկերության վրա։

17.3. Ընկերությունը պատասխանատվություն է կրում իր կողմից փաստացի ստացված դրամական միջոցների համար՝ հաշվարկների մասով իր սեփական պարտավորությունների սահմաններում։

17.4. Ընկերությունը պատասխանատվություն չի կրում Գործընկերոջ կողմից անմիջապես ստացված դրամական միջոցների համար։

18. Հարկեր և հաշվապահական հաշվառում

18.1. Յուրաքանչյուր Կողմ ինքնուրույն է կատարում իր հարկային պարտավորությունները։

18.2. Գործընկերը ինքնուրույն է հաշվառում իր Ծառայությունների մատուցումից ստացված հասույթը և պատասխանատվություն է կրում իրեն հասանելիք գումարների հարկային հաշվառման համար։

18.3. Ընկերության Միջնորդավճարը Ընկերության վարձատրությունն է Գործընկերոջը մատուցված ծառայությունների համար։

18.4. Հաշիվների, ակտերի, էլեկտրոնային փաստաթղթերի, հարկային փաստաթղթերի և այլ հաստատումների ձևակերպման կարգը որոշվում է օրենսդրությամբ և Կողմերի նկատմամբ կիրառելի հարկման համակարգով։

19. Անձնական տվյալներ

19.1. Պատվերը կատարելու նպատակով Ընկերությունն իրավունք ունի Գործընկերոջը փոխանցել Հաճախորդի անձնական տվյալները անհրաժեշտ ծավալով։

19.2. Գործընկերն իրավունք ունի այդ տվյալներն օգտագործել բացառապես՝

• Պատվերը կատարելու;
• Հաճախորդի հետ կապ հաստատելու;
• օրենքի պահանջները կատարելու նպատակներով։

19.3. Գործընկերոջն արգելվում է Հաճախորդի տվյալներն օգտագործել ինքնուրույն գովազդի կամ այլ անհամատեղելի նպատակներով՝ առանց առանձին իրավական հիմքի։

19.4. Գործընկերը պարտավոր է ապահովել ստացված տվյալների պատշաճ պաշտպանությունը։

20. Բովանդակություն և մտավոր սեփականություն

20.1. Գործընկերը Ընկերությանը տրամադրում է իր փոխանցած լուսանկարները, նկարագրությունները, լոգոտիպերը, տեսանյութերը և այլ նյութերը Ծառայության հրապարակման և առաջխաղացման նպատակով օգտագործելու իրավունք։

20.2. Այդ իրավունքը տրամադրվում է համապատասխան Առաջարկի գործողության ժամկետի և նախկինում ձևակերպված Պատվերների կատարման համար անհրաժեշտ ժամանակահատվածի համար, եթե այլ ժամկետ համաձայնեցված չէ։

20.3. Գործընկերը երաշխավորում է տրամադրված Բովանդակության նկատմամբ անհրաժեշտ իրավունքների առկայությունը։

21. Վարկանիշներ, կարծիքներ և որակ

21.1. Ընկերությունն իրավունք ունի հրապարակել Հաճախորդների կարծիքները, վարկանիշները, գնահատականները և վիճակագրական ցուցանիշները։

21.2. Գործընկերն իրավունք չունի պահանջել հավաստի բացասական կարծիքի հեռացում՝ բացառապես դրա բացասական բովանդակության պատճառով։

21.3. Ընկերությունն իրավունք ունի դադարեցնել կամ կասեցնել համագործակցությունը համակարգված բողոքների, ցածր վարկանիշի, անվտանգության խախտումների կամ այլ էական խնդիրների դեպքում։

22. Կասեցում և լուծում

22.1. Ընկերությունն իրավունք ունի անմիջապես կասեցնել Գործընկերոջ հասանելիությունը Marketplace-ին հետևյալ դեպքերում՝

• օրենսդրության խախտում;
• կեղծ փաստաթղթերի տրամադրում;
• Հաճախորդների անվտանգության սպառնալիք;
• խարդախություն;
• համակարգված չեղարկումներ;
• Միջնորդավճարի չվճարելը;
• Գործընկերոջ մեղքով chargeback;
• այլ էական խախտումներ։

22.2. Գործընկերն իրավունք ունի դադարեցնել համագործակցությունը՝ ամբողջությամբ կատարելով արդեն հաստատված Պատվերներով իր բոլոր պարտավորությունները։

22.3. Պայմանագրի դադարեցումը Կողմերին չի ազատում մինչև դադարեցման ամսաթիվն առաջացած ֆինանսական և այլ պարտավորություններից։

23. Գաղտնիություն

23.1. Անհատական սակագները, Միջնորդավճարի չափերը, ֆինանսական հաշվարկները, վաճառքի վիճակագրությունը, ներքին հաշվետվությունները և այլ առևտրային տեղեկություններ կարող են համարվել գաղտնի։

23.2. Այդպիսի տեղեկությունները հրապարակային բացահայտման ենթակա չեն, բացառությամբ օրենքով նախատեսված դեպքերի։

24. Հավելվածներ և Անձնական գրասենյակ

24.1. Շրջանակային Պայմանագրի անբաժանելի մասն են կազմում սույն Հրապարակային օֆերտան, իսկ դրանց պատշաճ էլեկտրոնային ակցեպտից հետո՝ կիրառելի ոչ հրապարակային Հավելվածները, անհատական առևտրային պայմանները, սակագները և Ընկերության ու համապատասխան Գործընկերոջ հարաբերություններին անմիջականորեն վերաբերող այլ փաստաթղթեր։

24.2. Ոչ հրապարակային Հավելվածները կարող են ձևակերպվել և տրամադրվել որպես առանձին էլեկտրոնային ֆայլ, Անձնական գրասենյակի ձև կամ բաժին, էլեկտրոնային հաղորդագրություն, էլեկտրոնային փաստաթուղթ, էլեկտրոնային ստորագրությամբ փաստաթուղթ կամ այլ ձև, որը թույլ է տալիս հաստատել դրանց բովանդակությունը և Գործընկերոջ կողմից դրանց ընդունման փաստը։

24.3. Անհատական Հավելվածները Գործընկերոջը տրամադրվում են գրանցումից և/կամ ստուգումն անցնելուց հետո։ Դրանք հրապարակային չեն և չեն պահանջում տեղադրում Կայքի բաց հատվածում։

24.4. Անհատական Հավելվածները, սակագնային և առևտրային պայմանները, Միջնորդավճարի դրույքաչափերը, Միջնորդավճարի նվազագույն չափերը, սակագնային մակարդակների չափանիշներն ու շեմերը, հաշվարկները, փոխհաշվարկների ռեեստրները, բանկային տեղեկությունները և այլ անհատական առևտրային պարամետրերը համապատասխան Գործընկերոջը տրամադրվում են Անձնական գրասենյակի, էլեկտրոնային ձևի, առանձին էլեկտրոնային փաստաթղթի, էլեկտրոնային փոստի կամ այլ եղանակով, որը թույլ է տալիս ամրագրել դրանց բովանդակությունը։

24.5. Սույն Պայմանագրի հրապարակային մասը սահմանում է Միջնորդավճարի որոշման, վճարումների ընդունման, պահումների, վճարումների և փոխհաշվարկների ընդհանուր իրավական սկզբունքները։ Կոնկրետ դրույքաչափերը, սակագնային մակարդակները, նվազագույն գումարները, քանակական և այլ առևտրային չափանիշները սահմանվում են ոչ հրապարակային Հավելվածներով և/կամ Գործընկերոջ անհատական առևտրային պայմաններով։

24.6. Ոչ հրապարակային Հավելվածներն ու անհատական առևտրային պայմանները Կողմերի համար պարտադիր են դառնում Գործընկերոջ կողմից դրանց պատշաճ առանձին համաձայնեցումից/ակցեպտից հետո։ Մինչև այդպիսի Հավելվածի տրամադրումը հրապարակային Օֆերտայի ընդունումն ինքնին չի համարվում Գործընկերոջ համաձայնություն իրեն անհայտ անհատական առևտրային պարամետրերին։

25. Լեզուներ

25.1. Սույն Պայմանագիրը և դրա հետ կապված փաստաթղթերը կարող են կազմվել հայերեն, ռուսերեն և անգլերեն լեզուներով։

25.2. Լեզվական տարբերակների միջև անհամապատասխանության դեպքում առաջնահերթություն ունի հայերեն տարբերակը, եթե օրենքի իմպերատիվ նորմերով այլ բան նախատեսված չէ։

26. Կիրառելի իրավունքը և վեճերը

26.1. Սույն Պայմանագրի նկատմամբ կիրառվում է Հայաստանի Հանրապետության օրենսդրությունը։

26.2. Կողմերը ձգտում են վեճերը լուծել բանակցությունների միջոցով։

26.3. Կարգավորման անհնարինության դեպքում վեճը քննվում է Հայաստանի Հանրապետության օրենսդրությամբ սահմանված կարգով։

27. Պայմանագրի փոփոխությունը

27.1. Ընկերությունն իրավունք ունի միակողմանիորեն փոփոխություններ և լրացումներ կատարել սույն հրապարակային Օֆերտայում, ներառյալ Marketplace-ի օգտագործման ընդհանուր կանոնները, Առաջարկների հրապարակման և մոդերացիայի կարգը, տեխնիկական և գործառնական պահանջները, Կողմերի փոխգործակցության կարգը և համագործակցության այլ ընդհանուր պայմանները, եթե այդպիսի փոփոխության հնարավորությունը սահմանափակված չէ կիրառելի օրենսդրությամբ, սույն Պայմանագրով կամ Կողմերի անհատական պայմաններով։

27.2. Ընկերությունը համագործակցող Գործընկերոջը նոր խմբագրության մասին ծանուցում է մինչև դրա ուժի մեջ մտնելու ամսաթիվը՝ Անձնական գրասենյակի, գրանցված էլեկտրոնային փոստի հասցեի և/կամ այլ համաձայնեցված էլեկտրոնային եղանակով, որը հնարավորություն է տալիս ամբողջությամբ ծանոթանալ փոփոխություններին, պահպանել և հետագայում վերարտադրել համապատասխան խմբագրությունը։ Ծանուցման մեջ նշվում են նոր խմբագրության ուժի մեջ մտնելու ամսաթիվը և դրա ամբողջական տեքստին հասանելիության եղանակը։

27.3. Եթե ծանուցմամբ, սույն Պայմանագրով կամ կիրառելի օրենսդրության իմպերատիվ նորմերով ուղղակիորեն այլ բան նախատեսված չէ, նոր խմբագրությունը դրա ուժի մեջ մտնելու օրվանից կիրառվում է Կողմերի հետագա հարաբերությունների նկատմամբ՝ առանց սկզբնական Պայմանագիրը կրկին կնքելու կամ ամբողջ Օֆերտան կրկին OTP-ով ակցեպտելու անհրաժեշտության։

27.4. Նոր խմբագրությունը հետադարձ ուժ չունի արդեն հաստատված Պատվերների նկատմամբ և չի փոփոխում այդպիսի Պատվերներով Կողմերի համաձայնեցված պայմանները, իրավունքներն ու պարտավորությունները, եթե կիրառելի օրենսդրության իմպերատիվ նորմերով այլ բան չի պահանջվում կամ Կողմերը առանձին այլ բան չեն համաձայնեցրել։

27.5. Մինչև նոր խմբագրության ուժի մեջ մտնելը հրապարակված և Ծառայության մատուցման նախապես սահմանված կոնկրետ ամսաթիվ ունեցող Առաջարկի նկատմամբ նոր խմբագրությունը չի փոփոխում այդ Առաջարկի պայմանները համապատասխան սահմանված ամսաթվի համար։ Նոր ամսաթվի հետագա հրապարակումը, Առաջարկի տեղափոխումն այլ ժամանակահատված կամ այլ թարմացում, որի արդյունքում նոր խմբագրության ուժի մեջ մտնելուց հետո ստեղծվում է ծառայության նոր առաջարկ, իրականացվում է նոր խմբագրության համաձայն, եթե փոփոխության բնույթից կամ կիրառելի օրենսդրությունից այլ բան չի բխում։

27.6. Ծառայության մատուցման նախապես սահմանված կոնկրետ ամսաթիվ չունեցող Առաջարկների, այդ թվում՝ «ըստ հարցման», «պատվերով» կամ համանման պայմանով Առաջարկների նկատմամբ նոր խմբագրությունը կիրառվում է դրա ուժի մեջ մտնելու ամսաթվից հետո ձևակերպված նոր Պատվերների նկատմամբ՝ անկախ այդ Առաջարկի սկզբնական հրապարակման ամսաթվից։

27.7. Նոր խմբագրությունը կիրառվում է այն նոր Առաջարկների նկատմամբ, որոնք Գործընկերն առաջին անգամ հրապարակում է դրա ուժի մեջ մտնելու ամսաթվից հետո։

27.8. Եթե Գործընկերը համաձայն չէ նոր խմբագրությանը, նա իրավունք ունի մինչև դրա ուժի մեջ մտնելու ամսաթիվը Ընկերությանը ծանուցել նոր Առաջարկների և նոր Պատվերների մասով Marketplace-ի հետագա օգտագործումից հրաժարվելու մասին։ Այդ դեպքում Ընկերությունն իրավունք ունի սահմանափակել կամ կասեցնել նոր Առաջարկների հրապարակման, նոր Պատվերների ընդունման և Marketplace-ի հետագա առևտրային օգտագործման այլ գործառույթները, որոնք անհրաժեշտ են նոր խմբագրության կիրառման համար։ Սա Կողմերին չի ազատում նախկինում առաջացած պարտավորությունների պատշաճ կատարումից։

27.9. Նոր խմբագրության ուժի մեջ մտնելուց հետո Գործընկերոջ կողմից Marketplace-ի առևտրային օգտագործումը շարունակելուն անմիջականորեն առնչվող գործողությունների կատարումը, ներառյալ նոր Առաջարկի հրապարակումը, Ծառայության մատուցման նոր ամսաթվի հրապարակումը, նոր խմբագրության կիրառման ենթակա Առաջարկով նոր Պատվերի հաստատումը կամ ընդունումը կամ այլ գործողությունը, որը Հարթակի ինտերֆեյսի և սույն Պայմանագրի համաձայն միանշանակ վկայում է համագործակցությունը շարունակելու մասին, դիտարկվում է որպես նոր խմբագրությունը Կողմերի համապատասխան ապագա հարաբերությունների նկատմամբ կիրառելու հաստատում՝ կիրառելի օրենսդրությամբ թույլատրելի սահմաններում։

27.10. Ընկերությունն ապահովում է հրապարակային Օֆերտայի տարբերակների պահպանումը և այնպիսի տեղեկությունների պահպանումը, որոնք թույլ են տալիս որոշել խմբագրությունն ու դրա գործողության ժամանակահատվածը։ Կոնկրետ Պատվերի կամ Առաջարկի նկատմամբ կիրառելի խմբագրությունը որոշվում է տեղեկատվական համակարգում ամրագրված փաստաթղթի տարբերակի, հրապարակման/ուժի մեջ մտնելու ժամանակի, Առաջարկի ամսաթվի և Պատվերի ամսաթվի վերաբերյալ տեղեկություններով։

27.11. Սույն հրապարակային Օֆերտայի փոփոխությունն ինքնին չի փոփոխում կոնկրետ Գործընկերոջ անհատական առևտրային պայմանները, այդ թվում՝ Միջնորդավճարի դրույքաչափը, անհատական սակագինը, հատուկ հաշվարկային պայմանները և ոչ հրապարակային Հավելվածների այլ դրույթներ։ Այդպիսի պայմանները փոփոխվում են համապատասխան Հավելվածով նախատեսված կարգով, նախապես համաձայնեցված փոփոխման մեխանիզմով կամ Կողմերի առանձին համաձայնությամբ/ակցեպտով։

27.12. Եթե փոփոխությունը պայմանավորված է օրենսդրության պարտադիր պահանջով, իրավասու պետական մարմնի ակտով, վճարային, բանկային կամ այլ կարգավորվող ենթակառուցվածքի պահանջներով և պետք է կիրառվի այլ ժամկետում կամ նախկինում ծագած հարաբերությունների նկատմամբ, կիրառվում է համապատասխան պարտադիր նորմով կամ պահանջով նախատեսված կարգը՝ Գործընկերոջը ծանուցելով այն չափով, որքանով դա հնարավոր է և պահանջվում է օրենքով։

28. Եզրափակիչ դրույթներ

28.1. Սույն Պայմանագիրը Գործընկերոջը չի տրամադրում Ընկերության ֆիրմային անվանումը, ապրանքային նշանները, լոգոտիպերը և այլ նշումները համագործակցության նպատակներից դուրս օգտագործելու իրավունք։

28.2. Գործընկերը չի հանդիսանում Ընկերության աշխատակից, մասնաճյուղ, ներկայացուցչություն կամ կորպորատիվ ստորաբաժանում։

28.3. Գործընկերն ինքնուրույն է կազմակերպում իր տնտեսական գործունեությունը։

28.4. Սույն Պայմանագրի որևէ դրույթ Գործընկերոջը չի ազատում օրենսդրության պարտադիր պահանջներից։

29. Ընկերության վավերապայմանները

Ընկերություն՝ «Փաթրեսթ» ՍՊԸ
ՀՎՀՀ՝ 04261072
Կայք՝ www.pathrest.am
Էլ. փոստ՝ trip@pathrest.am
Գլխավոր տնօրեն՝ Մարգարյան Պ. Վ.

30. Գործընկերոջ կարգավիճակի և ակցեպտի վերաբերյալ հստակեցում

30.1. Զբոսաշրջային ծառայություններ առաջարկող Գործընկեր կարող է լինել միայն այն անձը, որն իրավունք ունի իրականացնել համապատասխան գործունեությունը։ Եթե օրենքով պահանջվում է իրավաբանական անձի կամ անհատ ձեռնարկատիրոջ կարգավիճակ, ծանուցում, պետական էլեկտրոնային ռեեստրում գրանցում, որակավորում, թույլտվություն կամ այլ պարտադիր պայման, ապա ֆիզիկական անձին չի թույլատրվում նման գործունեություն իրականացնել մինչև համապատասխան պահանջը կատարելը։

30.2. Գրանցումը և Օֆերտայի հրապարակային մասի ակցեպտը ստեղծում են շրջանակային պայմանագրային հարաբերություններ, սակայն չեն երաշխավորում Marketplace-ի ակտիվացումը։ Ընկերությունն իրավունք ունի մինչև Առաջարկների հրապարակումը կամ Ամրագրումների ընդունումը ավարտել նույնականացումը, փաստաթղթերի և պարտադիր պահանջների ստուգումը։

30.3. Հրապարակային Օֆերտան կարող է չկցվել գրանցման նամակին։ Նամակում թույլատրվում է նշել Օֆերտայի գործող խմբագրության հղումը և կցել/տրամադրել միայն ոչ հրապարակային անհատական Հավելվածները։ Անհատական առևտրային պայմանները պարտադիր ուժ են ձեռք բերում դրանց առանձին ակցեպտի կարգով։

31. Էլեկտրոնային կնքում, ապացույցներ և Պայմանագրի օրինակ

31. Էլեկտրոնային կնքում, ապացույցներ և Պայմանագրի օրինակ31.1. Ակցեպտի ժամանակ Ընկերությունն իրավունք ունի ֆիքսել Գործընկերոջ նույնականացուցիչը, անվանումը/ԱԱՀ-ն, գրանցված էլ. փոստը, ամսաթիվը և ճշգրիտ ժամը, IP հասցեն, user-agent-ը, սեսիայի նույնականացուցիչը, Օֆերտայի համարը և խմբագրությունը, Հավելվածների ցանկն ու տարբերակները, OTP-ի ուղարկման և հաջող ստուգման փաստը, ինչպես նաև էլեկտրոնային ֆայլերի վերահսկիչ արժեքները (hash)։ Այդ տեղեկություններն օգտագործվում են ակցեպտի փաստը, ժամանակը և բովանդակությունը հաստատելու համար։

31.2. Ակցեպտից հետո Ընկերությունը ձևավորում և/կամ պահպանում է պայմանագրային փաթեթի անփոփոխելի էլեկտրոնային օրինակը, որը հնարավորություն է տալիս վերարտադրել Օֆերտան և Հավելվածները Գործընկերոջ կողմից ընդունված խմբագրություններով։ Հրապարակային էջի հետագա փոփոխությունը չի փոփոխում նախկինում կնքված Պայմանագրի բովանդակությունը։

31.3. Պայմանագրային փաթեթը և կիրառելի փաստաթղթերի պատմությունը կարող են հասանելի լինել Գործընկերոջը Անձնական գրասենյակում։ Ընկերությունն իրավունք ունի լրացուցիչ ուղարկել Պայմանագրի և Հավելվածների օրինակը Գործընկերոջ գրանցված էլ. փոստին։ Ֆայլի կրկնակի ուղարկումը կրում է հաստատող և տեղեկատվական բնույթ և չի փոփոխում Պայմանագրի կնքման պահը։

31.4. Ընկերությունն իրավունք ունի պահպանել ուղարկված հաղորդագրության սեփական արխիվային պատճենը, ուղարկման վերաբերյալ տեղեկությունները և պայմանագրային փաթեթը։ Գործընկերոջ կողմից հաղորդագրության ջնջումը, փոստարկղին կամ Անձնական գրասենյակին հասանելիության դադարեցումն ինքնին չի դադարեցնում կնքված Պայմանագիրը և չի ոչնչացնում Ընկերության արխիվային գրառումները։

31.5. Անհատական Հավելվածի նոր խմբագրությունը, որը սահմանում է նոր պարտավորություններ, ուժի մեջ է մտնում Գործընկերոջ առանձին ակցեպտից հետո, եթե Կողմերը նախապես չեն համաձայնեցրել փոփոխության այլ թույլատրելի կարգ։